ISHQ E NABIﷺ PRESENTS....
VERY IMPORTANT SHARAYI SAWAAL AND JAWAAB
Sawaal No.3
As salamu alaikum hazrat is sawal ka jawab hawale k saath Inayat famayen huzoor sallallahu alaihi wasallam ka naam e Mubarak sunkar angutha chumna jaiz hai? Agar haa to kis hadees se sabit hai?
Jawaab
Wa alaekum Assalaam
Jab moazzin kahe "ashhadu anna muhammadar rasoolullah" to isko sunkar apne dono anguthhe ya kalima ki unguli choom kar aankho se lagana mustahab hai (ye koi farz aur wajib nahi hai) haan isse deeni aur dunyavi chand fawayid hain iske muta'alliq ahaadees warid hain aur sahabaa e kiram ka ispar amal raha aammatul mulimeen har jagah isko mustahab jaankar kaete hain.
🏻Huzoor akram sallallahu alaihi wa aallam se marwi hai k jo shakhs hamara naam aazan me sune aur apne anguthhe aankho par rakkhe to ham usko qayamat ki safo me talash farmayenge aur usko apne peechhe peechhe jannat me le jaayenge (salaat e maswoodi jild 2 baab namaz ) aur tafseer e ruhul bayan para 6,7 surah maayida zere aayat "wa iza naadeetum ilassalaat" ke tehat hai k Muhammadur rasoolullah kahne ke waqt apne anguthhe ke naakhuno ko kalima ke unguli ke saath chumna zayeef hai Q k ye hadees marfoo se sabit nahi lekin muhaddiseen ispar muttafiq hain k hadees zayeef par amal karna raghbat dene aur darane ke mauqe par jayiz hai .
🏻Imaam sakhaawi ne farmaya delami ne firdos me Hazrat abubakar siddeeq razi Allahu anh se riwayat ki k unhone ne jab moazzin ka qaul ashhadu anna muhammadar rasoolullah suna to yahi farmaya aur apne kaliima ke unguliyo ke baatini hisso ko chuma aur aankho se aankho se lagaya pas Huzoor alaihissalat o wassalam ne farmaya jo shakhs mere is pyaare ki tarah kare uske liye meri shafa'at wajib ho gayi .
Iske ilawa aur bhi kayi ahaadees aur aqwaal e ayimma o buzurgaan e deen se sabit hai k aazan me Huzoor ka naam sunkar anguthha ya kalima ki unguliyaan chumkar aankho se lagana mustahab hai aur sahaba ki sunnat hai mazeed wazahat ke liye dekhye Mufti ahmad yaar khan rahmatulla Alaihi ki kitab JAA AL HAQ page 389 se 398 tak ka muta'ala farmaye .
Wallah a'alam bissawab
Jawaab By
Moulaana Wali Qamar Qadri Sahab Qibla,
Khaadime Darool Uloom Subhaniya,
Vishakapatnam,
Andhra Pradesh
No comments:
Post a Comment